08 September 2011

Grupu Mundu Tomak Husu TL ne’ebe la iha tusan atu la Debe

Tusan pendente bele ameasa Timór nia Futuru
Komunikadu Imprensa, 8 de Setembro 2011

Kontaktu: Juvinal Dias (La’o Hamutuk/Movimento Kontra Deve), +670-734-8703, juvinal@laohamutuk.org ka John M. Miller (ETAN), +1-718-596-7668; john@etan.org

8 de Setembro de 2011 – Organizasaun Naun Governmental sira hosi Timór-Leste no internasional ohin husu ba “Governu Timór-Leste atu mantein nasaun ne’ebe livre hosi deve no hases-an hosi impresta osan hosi kreditor internasional sira no mos atu proteze jerasaun futuru.”

Grupu sira ne’e argumenta katak “infez ita repete erru sira ne’ebé nasaun sub-dezenvolvida sira komete iha pasadu, iha ne’ebé sira luta ona durante dekade barak nia laran, Timór-Leste tenki aprende hosi esperiénsia hirak ne’e, ne’ebé dala barak lori naha todan ba sira nia emar sira.

Karta ida ne’e mos fo hanoin katak maski Timór-Leste iha riku soin petróleum ohin loron, “wainhira Timór-Leste nia mina no gas hotu iha menus de tinan 15 nia laran, no ita sei nafatin tenki selu fila fali tusan, ita nia oan no bei-oan sira sei sofre hosi konsekuensia hirak ne’e.”

Karta ida ne’e inisia hosi Movimentu Kontra Deve iha Timór-Leste (fasilita hosi La’o Hamutuk), no East Timór and Indonesia Action Network (ETAN) ne’ebe nia baze iha Estadus Unidus da Amerika (EUA).

Statementu kompletu iha Tetum no Inglesh hamutuk ho organizasaun sira ne’ebé asina bele hetan iha http://www.etan.org/news/2011/08debt.htm no http://www.laohamutuk.org/econ/debt/2011/11ETANMKDStmt5Sep2011.htm.

Statementu ida ne’e hetan suporta hosi organizasaun 117, husi nasaun 28. Rede internasional sira ho esperiensia luta naruk kontra naha todan deve nasaun sub-dezenvolvido sira nian asina hotu statementu ne’e, inklui: Focus on Global South, Jubilee South – Asia Pacific Movement on Debt and Development, Third World Network and CADTM International (Committee for the Cancellation of Third World Debt).

Grupu 20 iha Timór-Leste mak asina statementu ne’e, inklui Institutu Timór-Leste ba Monitor no Analiza Dezenvolvimentu (La’o Hamutuk), Forum ONG, Front Estudante, Forum Lider Comunitario, Fundasaun Haburas no ETADEP. Organizasaun sira hosi Sudeste Asiatiku, vizinho Timór-Leste nian, inklui WALHI - Friends of the Earth Indonesia, Freedom from Debt Coalition ¬ Philippines, International NGO Forum on Indonesian Development (INFID) and EARTH (Ecological Alert and Recovery Thailand).

Organizasaun seluk ne’ebe asina, inklui grupu sira ne’ebé advoka ba dezenvolvimentu sustentavel, mos suporta povo Timór-Leste iha tempu naruk nia laran, hanesan Jubilee EUA, International Platform of Jurists for East Timor, Oil Change International (EUA), Aidwatch (Australia), Friends of the Earth U.S., Bank Information Center (EUA), Tapol (Inglatera), CAFOD (Inglatera), Japan East Timor Coalition, and the Free East Timor Foundation (VOT, Utrecht, Olanda).

Rendimentu hosi mina-rai no gas fornese 95% ba rendimentu estadu Timór-Leste nian, halo nasauin ida ne’e sai nudar nasaun ho nia dependensia ba petroleu ne’ebe as liu iha mundu. Maski Timór-Leste seidauk impresta osan hosi nasaun seluk, ka instituisaun finanseiru internasional, governu Timór-Leste aprova ona lei balu atu bele deve, inklui Lei Orçamentu e Gestão Financeira 2009, no mos revizaun Lei Fundu Petróleum, no Lei foun ba Divida Públiku. Lei rua ne’e hetan aprovasaun semana rua liu ba. Iha inísiu fulan Agostu, Website Banku Dezenvolvimentu Asiátiku (ADB) publika proposta deve hamutuk $8.15 millaun ba Timór-Leste atu hadi’a rede dalan nasional Timór-Leste nian.

Movimentu Kontra Deve nudar koalisaun organizasaun sosiedade sivil ida iha Timór-Leste ne’ebé kontra Timór-Leste atu deve. ETAN mak organizasaun fo solidaridade ba povo Timór-Leste durante tinan 20 nia laran, ne’ebe nia base iha EUA.

Ita-boot bele nformasaun tan kona-ba Timor-Leste no deve iha Inglesh ka Tetum.

No comments:

Post a Comment